X Close
X
+91-9846067672

ਭੰਸਾਲੀ ਦਾ ਸਿਰ ਵੱਢ ਕੇ ਲਿਆਉਣ ਵਾਲੇ ਨੂੰ ਮਿਲਣਗੇ 51 ਲੱਖ ਰੁਪਏ


ਮਥੂਰਾ— ਬ੍ਰਜਮੰਡਲ ਖੱਤਰੀ ਰਾਜਪੂਤ ਮਹਾਸਭਾ ਦੇ ਅਹੁਦੇਦਾਰਾਂ ਨੇ 'ਪਦਮਾਵਤ' ਦੇ ਨਿਦੇਸ਼ਕ ਸੰਜੇ ਲੀਲਾ ਸੰਜੇ ਲੀਲਾ ਭੰਸਾਲੀ ਦਾ ਸਿਰ ਵੱਢ ਕੇ ਲਿਆਉਣ ਵਾਲੇ ਨੂੰ 51 ਲੱਖ ਰੁਪਏ ਦਾ ਨਕਦ ਇਨਾਮ ਦੇਣ ਦਾ ਐਲਾਨ ਕੀਤਾ ਹੈ। ਮਹਾਸਭਾ ਦੇ ਅਹੁਦੇਦਾਰਾਂ ਦੀ ਬੈਠਕ ਤੋਂ ਬਾਅਦ ਜ਼ਿਲਾ ਪ੍ਰਧਾਨ ਮੁਕੇਸ਼ ਸਿੰਘ ਸਿਕਰਵਾਰ ਨੇ ਭੰਸਾਲੀ ਦਾ ਸਿਰ ਵੱਢ ਕੇ ਲਿਆਉਣ ਵਾਲੇ ਨੂੰ ਇਨਾਮ ਦੇਣ ਦਾ ਐਲਾਨ ਕਰਦੇ ਹੋਏ ਕਿਹਾ, 'ਅਜਿਹਾ ਕਰਨ ਵਾਲੇ ਨੂੰ 51 ਲੱਖ ਰੁਪਏ ਦੀ ਰਕਮ ਚਾਂਦੀ ਦੀ ਥਾਲੀ 'ਚ ਸਜ਼ਾ ਦੇ ਦਿੱਤੀ ਜਾਵੇਗੀ।'

ਉਨ੍ਹਾਂ ਨੇ ਫਿਲਮ ਦਾ ਵਿਰੋਧ ਕਰਨ ਦੇ ਸਵਾਲ 'ਤੇ ਕਿਹਾ, 'ਸੰਜੇ ਲੀਲਾ ਭੰਸਾਲੀ ਨੇ ਇਤਿਹਾਸ ਨਾਲ ਛੇੜਛਾੜ ਕਰ ਰਾਜਪੂਤਾਂ ਨੂੰ ਨੀਵਾਂ ਦਿਖਾਉਣ ਦਾ ਕੰਮ ਕੀਤਾ ਹੈ। ਰਾਣੀ ਪਦਮਾਵਤੀ ਦੇ ਚਰਿੱਤਰ ਦਾ ਅਪਮਾਨ ਕੀਤਾ ਹੈ। ਇਸ ਲਈ ਰਾਜਪੂਤ ਸਮਾਜ ਉਸ ਨੂੰ ਉਸ ਦੀ ਗਲਤੀ ਦਾ ਸਬਕ ਸਿਖਾ ਕੇ ਰਹੇਗਾ।' ਦੂਜੇ ਪਾਸੇ ਸਾਰੇ ਫਿਲਮ ਆਪਰੇਟਰਾਂ ਨੇ ਸੁਰੱਖਿਆ ਦੇ ਸਵਾਲ 'ਤੇ 'ਪਦਮਾਵਤ' ਦਾ ਪ੍ਰਦਰਸ਼ਨ ਨਾ ਕਰਨ ਦਾ ਫੈਸਲਾ ਲੈਂਦੇ ਹੋਏ ਸਿਨੇਮਾ ਹਾਲ ਦੇ ਬਾਹਰ ਵੱਡੇ-ਵੱਡੇ ਨੋਟਿਲ ਬੋਰਡ ਲੱਗਾ ਦਿੱਤੇ ਹਨ, 'ਪਦਮਾਵਤ ਦਾ ਪ੍ਰਦਰਸ਼ਨ ਨਹੀਂ ਕੀਤਾ ਜਾ ਰਿਹਾ ਹੈ ਤੇ ਭਵਿੱਖ 'ਚ ਵੀ ਨਹੀਂ ਕੀਤਾ ਜਾਵੇਗਾ।'